Dizoloit penaos e labour an arkeologourien ha penaos e treseont an arverkoù evit diskoulmañ kevrin ar peñse Zi-24 !

Ar mor, mirdi brasañ ar bed.

Deuit ganin da zizoleiñ penaos e labour an arkeologourien ha penaos e treseont an arverkoù evit diskoulmañ kevrin ar peñse Zi-24 !

Zi-24 ? Petra zo a-dreñv ar c’hod iskis-se ?

Zi-24 a dalv « Zone Interdite 24 », anv ur valizenn lec’hiet er stêr Rañs e-kichen Sant-Maloù eo. Aroueziañ a ra deroù an takad berzet ouzh an holl verdeadennoù abalamour d’ar stankell ha troellrodoù al labouradeg vordredan a brodu an tredan.

E sol ar valizenn-se, dre 18 metrad donder, ur peñse zo bet adkavet.

Amzeriet en 17vet kantved, unan eus peñseoù eus ar re goshañ e bae Sant-Maloù eo hiziv an deiz. Dibaoe meur a vloavezh, ar Gevredigezh evit Diorren Enklaskoù en Arkeologiezh-vor a gas furchadegoù danvorel da benn war al lec’hienn arkeologel.