War hent Youenn Gwernig - Sonerezh diwar pezh-c’hoari Strollad Ar Vro Bagane brezhoneg

Goude bezañ savet ur pezh-c’hoari diwar-benn Glenmor - Disuj - en deus bet Ar Vro Bagan c’hoant rentañ enor ivez da Youenn Gwernig ; kaner, barzh, soner ha kizeller. Ur Breizhad gwriziennet don e douar ha sevenadur e vro Breizh ha digor-bras e spered hag e galon war ar bed hag ar pobloù all.

Emaomp en ur sal enroll eus ar skinwel. Pedet eo bet an dud da zont da gemer perzh en un enrolladenn diwar-benn buhez hag oberennoù Youenn Gwernig.

Gwelet e vez an deknikourien, ar c’hoarierien, ar sonerien hag ar ganerien o pleustriñ hag oc’h enroll pennadoù eus buhez Gwernig. Mesk-ha-mesk : c’hoariva, sonerezh, kan ha skeudennoù video. Lakaet eo an arvesterien da gemer perzh. En teir yezh a gomze hag a skrive Gwernig : brezhoneg, galleg ha saozneg.

Toniaoueg :

• E-kreiz an noz
• Gwez
• Gwerz an Harluad
• Identity
• Identity (digoradur)
• El Barrio
• Emvod
• Tuchenn Mikêl
• Gwerz Ti-Voujeret
• Ni hon-unan
• Me 'garfe
• N’am eus netra

Gant :

Tangi Le Gall-Carré (akordeon)
Erwan Moal (gitar)
Julien Stévenin (koñtrebas)
Typhaine Corre (kan)
Tangi Merien (kan)
Erwan Billant (kan evit "Emvod")
Ijinour war ar son (enrollañ ha sonveskañ) : Tangi Oillo
Engravañ : Bruno Gruel (Studio Elektra)
Stlenngraferezh : Nolwenn Blouin (Tryptyk)
Luc'hskeudennoù : Eric Legret