Levrioù brezhonek evit an holl !
Bannoù-heol
Ti-embann brezhonek abaoe 1999
Levrioù evit ar vugaleBannoù-tresetLevrioù CDSonerezhDVDGeriadurioùRomantoùC'hoarioùKeleier
Ar Marc'h Dall

Ar Marc'h Dall

Titl orin :

Ar Marc'h Dall - Le Cheval Aveugle

Dastumad :

Kan ar Bed e brezhoneg

Rummadoù :

Levrioù CD e brezhoneg

Ti-embann : Bannoù-heol

Tost da gant a ganerien hag a vuzisianed eus Breizh, Korsika hag eus Laz-seniñ Sinfonek Bulgaria a laka ac’hanomp da dremen ur prantad eus ar re gaerañ asambles gant Ar Marc’h Dall, un oberenn veur eus ar sonerezh pobl e Breizh bet sonaozet gant René Abjean.

Ha gouest e vo hor bro da virout hec’h identelezh, he sevenadur hag he yezh warc’hoazh ? Pe daoust ha dont a raio da vezañ ur « marc’h dall » ha na oar ket dre beseurt hent mont ? Testenn don ha leun a varzhoniezh Job an Irien zo un digarez, evit bihan ha bras, da anavezout gwelloc’h Breizh dec’h hag hiziv ha da empennañ hini warc’hoazh.

Gant ar c’haier pedagogel a gavot e fin al levr e c’hallot ober anaoudegezh gant al laz-seniñ sinfonek, binvioù eus ar broioù keltiek ha teknikoù an enrollañ. An istorour Loeiz Elegoed a gont deoc’h istor ar brezhoneg eus an XVIIIvet kantved betek bremañ.

Ul levr sonerezh kaer, divyezhek brezhoneg-galleg, skeudennaouet gant Geoffrey Berniolle evit ar familh a-bezh !

Niver a bajennoù : 50

Skeudennaouer(ien) : Geoffrey Berniolle

Oberour(ien) : Job an Irien

Mentoù : 24,5 x 24,5 cm

ISBN : 9782913652866

22,90 €
Da zont er-maez d'an 01/11/2022

N'ho peus ket c'hoant da urzhiadiñ enlinenn ? Kudenn ebet, leugnit ar baperenn urzhiadiñ-mañ ha kasit anezhi deomp !
Rannañ e :

E dastumad Kan ar Bed

Kan ar Bed - CD
Kan ar Bed
12,90 €
Er stok

Evit klokaat hoc'h urzhiad

Komz a reer eus se er blog

Ar Marc'h Dall

Ar Marc'h Dall

40 vloaz zo e skrive Job an Irien ur skrid hir war tonkad ar yezh ha sevenadur ar Vro. René Abjean a lakaas sonerezh warnañ. Ganet e oa « Ar marc’h dall », ur pezh-mell oberenn a zo bet brudet-kenañ, poent zo bet, kanet ma oa gant Lazoù-kanañ Penn-ar-Bed, kanerien evel Charlez an Dreo ha Véronique Autret. Adembannet e vo gant Bannoù-heol, gant skoazell ar Redadeg.
Postet e d'an 08/04/2022
Ar Marc'h Dall

Ar Marc'h Dall

Arno Elegoed, krouer an ti-embann Bannoù-heol ha kelenner war ar sonerezh, en doa graet un taol kaer 2 vloaz p’en doa embannet Kan ar Bed, ul levr-bladenn evit ar vugale gant kanaouennoù hengounel e meur a yezh. Ur raktres brav all zo gantañ ar bloaz-mañ. Enrollañ ur wech ouzhpenn “Ar Marc’h Dall” skrivet gant René Abjean ha Job an Irien. Emañ gant mikro Morgane Bramoullé evit kinnig ar raktres deomp.
Postet e Skingomz d'an 26/04/2021
Ar marc’h dall - Ur ganadenn vreizhat adc’hanet

Ar marc’h dall - Ur ganadenn vreizhat adc’hanet

Daou-ugent vloaz war-lerc’h krouidigezh « Ar marc’h dall » e 1979, ur ganadenn bet savet gant René Abjean ha Job An Irien, ha degemeret mat d’ar poent-se, an embanner Arnaud Élégoët en doa divizet da lakaat an oberenn-mañ da vevañ en-dro. Un enrollañ nevez a zo bet kaset da benn gant harp ur bern arzourien hag ar strollad teknikourien-son. Ul levr da-heul ur bladenn a vo kinniget ha deuet er-maez dizale. Arnaud a zispleg deomp an doare da seveniñ ar raktres brav-se gant ampartiz Dimitri Boekhoorn evit seniñ perzhioù gouestlet d’an delenn.
Postet e Pennadoù d'an 01/01/2021
Ar c'hantat "Ar Marc'h Dall" a zo o vezañ savet a-nevez !

Ar c'hantat "Ar Marc'h Dall" a zo o vezañ savet a-nevez !

Goude al levrig-pladenn « Kan ar Bed » hag en doe graet berzh daou vloaz 'zo, emañ an embannadurioù « Bannoù-heol » gant un eil raktres bras. Lazoù-kanañ breton ha korsat, laz-seniñ Bulgaria, binviji hengounel ha nevez,... ur c'henlabour etrevroadel a vo ar wezh-mañ c'hoazh, evit lakaat da glevet en-dro un oberenn deus fin ar bloavezhioù 1970. Skrivet e voe bet « Ar Marh Dall » gant Job an Irien da neuze, da zihuniñ ar Vreton-ezed a-raok ma vefent kollet en ur sevenadur bedelaet. Arno Elegoed, rener an embannadurioù « Bannoù-heol », a gav dezhañ eo ur stourm a-vremañ kement hag e oa er bloavezhioù 1970. Daleet eo bet enrolladennoù ar bladenn evel-just, dre ma n'eo ket bet posupl mont da vBulgaria e pad mizvezhioù. Emichañs e loc'ho an enrollañ en-dro a-benn miz Eost.
Postet e Skingomz d'an 22/07/2020
Keleier, ar bed hiziv an deiz

Keleier, ar bed hiziv an deiz

E 1979 o doa ar sonaozer René Abjean hag ar skrivagner Job an Irien savet ur c'hantate anvet "Ar Marc'h Dall". Un 30 kwech bennak e oa bet kinniget an oberenn e Breizh ha berzh 'n oa graet ken modern e oa ar sonerezh d'ar c'houlz-se ha don ar pozioù. O vezañ adenrollet emañ ar c'hantate. Ganet ar raktres gant Arno Elegoed, bet lusket gantañ Kan ar Bed, al levr CD bet embannet 2 vloaz 'zo. Da c'hortoz klevet ha lenn Ar Marc'h Dall e c'helloc'h bepred dizoloiñ Kan ar Bed ma n'eo ket graet c'hoazh... Kaerat levr CD.
Postet e Skingomz d'an 07/07/2020
La cantate « Ar Marc’h Dall » retrouve une nouvelle jeunesse

Français. La cantate « Ar Marc’h Dall » retrouve une nouvelle jeunesse

Arnaud Elégoët, Youenn Chapalain, réalisateur, Rónán Ó Luasa et Joris, arrangeurs, travaillent sur une nouvelle version d’« Ar Marc’h Dall » (le cheval aveugle), une cantate de René Abjean, sur un livret de Job An Irien. L’œuvre, dans laquelle il est question d’identité bretonne, a été créée en 1976. Depuis, elle a été chantée à Quimper, en 2000, puis avec grand succès en 2015.
Postet e Pennadoù d'an 22/06/2020

Lakait hoc'h anv evit degemer al lizher-kelaouiñ

ha resevit hor c'hinnigoù !

Heuilhit ac'hanomp er rouedadoù sokial

DegemerKan ar BedBlogDarempredoùMenegoù lezennelDivizoù gwerzhañ hollek
© 2022 Bannoù-heol
Poulzet gant Gatsby (open-source) & Sanity.io