Livre et CD pour enfants : “Kan ar Bed, un voyage musical autour du monde” aux éditions Bannoù-heol
De la Bretagne à la Chine, ce livre fera voyager les enfants et les plus grands autour du monde. La maison d'édition Bannoù-heol nous propose un ouvrage de chansons bilingues breton-français à partir de deux ans. Il devrait faire, encore cette année, bon effet sous le sapin de Noël.
Daoulagad digoret frank war ar bed
Poent eo kousket, emañ Liza en he gwele gant Moutig, e arzhig moumoun. Ha setu hi da huñvreal ha da vont da zizoleiñ broioù ar bed. Kanaouennoù ar bed a zo kinniget el levr-mañ.
Ul levr a lakaa ar vugale da lenn ha da ganañ met pas hepken ! Ur c'hoari a zo kinniget dezho ivez : goulennet zo diganto klask binviji sonerezh amañ hag ahont ha dre-se dizoleiñ kanaouennoù ar bed. Deus bro Rusia gant "An Distro" savet gant Jil Penneg ez eomp betek Arc'hantina gant kanaouenn Ricardo Vila ha lakaet e brezhoneg gant Fulup Jakez. Hag e nijomp kuit betek Bro Gabilia evit kanañ asambles "Ma zadig-me" pe c'hoazh betek China ha "Kan an Nevez-Amzer". Kenderc'hel a reomp gant "Breudeur Omp" deus Korsika ; Enez Tahiti n'eo ket disoñjet gant "Ar Mor Bras". Broioù ha kanaouennoù all a zo diskouezet c'hoazh.
Hon ali
"Kan ar Bed" a zo ul levr boemus. An tresadennoù a zo livet brav ha puilh. Ur gwir plijadur eo dizoleiñ bruzhunoù deus broioù ar bed a-hed ar pajennoù. Ouzhpenn kant den o deus kemeret perzh en oberenn-mañ hag en o zouez laz-seniñ sinfoniek deus Bulgaria. Ur sapre labour renet gant Arno Elegoed ha Joris Inadïas eo. Ur prof da lakaat dindan ar wezenn-sapin c'hoazh ar bloaz-mañ.
Martine Guilcher
