Degemer mat d'an holl !
Bannoù-heol
Ti-embann brezhonek abaoe 1999
Levrioù evit ar vugaleBannoù-tresetLevrioù CDRomantoùSonerezhDVDC'hoarioùGeriadurioùLevrioù e gallegKeleier
Postet d'an 08/06/2006 - Kazetennoù

Plijadur Zoo

Le premier DVD Rom en breton : c'est tout un symbole pour notre langue et pour ses plus jeunes locuteurs. "64, rue du zoo" ne se contente pas de leur proposer plus de deux heures de dessins animés en breton. Ce DVD Rom, à lire sur PC, leur propose également tout un univers de jeux, de karaoké, de quizz, pour écouter et jouer en breton. Un outil moderne qui permet à la langue de sortir du cadre scolaire, pour trouver sa place, petit à petit, dans les maisons.
Plijadur Zoo
Perzh o deus kemeret : Samuel Julien

Samuel Julien : "Muioc'h-mui e vez komprenet gant ar gerent eo a-bouez klevout brezhoneg er gêr. Lod anezho n'int ket gouest da lenn pe da gontañ istorioù e brezhoneg d'o bugale. Un DVD eo un digarez, neuze, da selaou brezhoneg, ha brezhoneg mat !"

Deuet eo er-maez "64, Straed ar Zoo". An DVD Rom kentañ bet embannet e brezhoneg.

"Ac'hanta ! Lizig eo ma anv. Er 64 straed ar zoo emaon o chom. hag amezeien ispisial am eus, sellit !" Hag ez int : Un olifant, ur jirafenn, ur struskañval, un dourvarc'h, daou varmouz farsus... Pa vez goulennet gant Lizig mont da gousket, e tichap hi dre ar prenestr da vont da gaout he mignoned en tu all d'ar voger. Ha da selaou o zroioù-kaer.

Ouzhpenn div eurvezh a dresadennoù bev a vez kinniget deomp gant "64, straed ar zoo". hag ouzhpenn un DVD a vez kinniget d'a vugale : un DVD Rom, an hini kentañ bet embannet en hor yezh. "Deuet eo ar soñj da embann un DVD Rom e brezhoneg en ur gaozeal gant TES (Ti-embann ar Skolioù brezhonek). Embannet e veze DVDoù betek-henn. Met soñjal a rae deomp e oa mat lakaat un dra bennak ouzhpenn evit c'hoari e brezhoneg" eme Samuel Julien e anv ar gevredigezh Dizale. Ha graet eo bet. Ur c'hoari livaj, c'hoari ar 7 diforc'h, miltamm gant tudennoù "Straed ar Zoo" a vo moaien d'ober en hor yezh war un urzhiataer PC. Karaoke a c'hello ober ar vugale war ton "Straed ar zoo" (gant mouezhig dous ha brav Nolwenn Korbell). Ur c'hoari gwir pe gaou a vez kinniget dezho ivez. Ma teu brav ganto e teuint a-benn da ziskoachañ tresadennoù-bev kuzh "Straed ar zoo" ! Ur benveg diouzh ar c'hiz evit ar vugale. Peadra da gaout plijadur evel ma vez abaoe pell gant forzh peseurt DVD-Rom e galleg.

Gourc'hemmenet e Pariz

"Aet e oamp e darempred gant ar stal Millimages da broduiñ an DVD-Rom-se. Mil vrudet eo ar stal-se e Pariz ha perc'henn eo war gwirioù "Straed ar Zoo". Kenlabouret e oa bet gant ar stal-se dija, da broduiñ an DVD "Pablo al louarnig" e brezhoneg. Sabatuet e oant bet gant al labour bet graet ganeomp war ar mouezhioù hag an infografiezh. Labour a vicher, kenkoulz hag e Pariz. Gourc'hemennet e oamp bet ha ken plijet e oant m'o doa savet un emvod kelaouiñ e Pariz. Un dalvoudegezh e oa evito : dedennus eo atav diskouez e vez produet e meur a yezh, hag "ekzotik" a-walc'h eo atav ar brezhoneg e Pariz".

Lorc'h ha fiziañ etre an dud...

Kalz aesoc'h e oa a-benn neuze, mont pelloc'h ha produiñ un DVD Rom en hor yezh. "Ur blijadur e oa rak diaes-kenañ eo gant an tier produiñ all... Ne gollont ket amzer o respont ouzh an telefon evit produiñ 500 skouerenn DVD Rom e brezhoneg".

Brezhoneg er gêr

Goulenn a zo koulskoude. Pe, emañ ar goulenn-se o tont tamm-ha-tamm, kentoc'h. Gwerzhet mat eo bet "Pablo al louarnig ruz", an DVD kentañ bet embannet e brezhoneg. Met hir mat eo bet... Tri bloavezh a zo bet ezhomm da werzhañ 300 skouerenn. "Muioc'h-mui e vez komprenet gant ar gerent eo a-bouez klevout brezhoneg er gêr. Lod anezho n'int ket gouest da lenn pe da gontañ istorioù e brezhoneg d'o bugale. Un DVD eo un digarez, neuze, da selaou brezhoneg, ha brezhoneg mat ! Diskouezet e vez tamm-ha-tamm d'ar vugale ivez, e c'hell bezañ plijus sellet ouzh tresadennoù-bev e brezhoneg. A-hed ar bloavezh skol e vez aozet abadennoù sinema evit ar skolioù gant ar gevredigezh Dizale. 40 abadenn bennak hon eus graet ar bloaz-mañ, hag unan e skol Diwan Pariz zoken. 5500 bugel o deus bet tro da sellet ouzh tresadennoù-bev e brezhoneg. Ha plijadur o deus bet. Ne daolont ket evezh ouzh ar yezh, e gwirionez. Ar pezh a gont eo kalite an tresadennoù-bev. Un doare naturel eo da lonkañ brezhoneg, neuze". Hag un doare da ziskouez d'o zud eo "naturel" ar yezh-se. "Ar gerent a-vremañ n'int ket mui emsaverien. Prest int da sikour ar vugale da selaou brezhoneg er-maez eus ar skol, gant ma vez roet binvioù video kenkoulz hag e galleg".

Deomp da-heul Lizig hag he amezeien drol, neuze. Ha da ganañ asambles ganto "Straed ar zoo, straed ar zoo, ur bern loened zo..."

Lionel Buannic

Le Télégramme

Produioù liammet gant ar post-mañ

64, Straed ar Zoo 1
Dizale
15,00 €
Er stok

Heuilhit ac'hanomp er rouedadoù sokial

DegemerKan ar BedBlogMenegoù lezennelDivizoù gwerzhañ hollekDarempredoù
© 2024 Bannoù-heol
Poulzet gant Gatsby (open-source) & Sanity.io