Boulig & Billig : C'hoarzh c'hoazh !

Fent, dudi ha c'hoarzh c'hoazh evit an holl, kozh ya yaouank, chas, baoted hag all. Setu adarre, savet ha treset gant Roba, troioù-kaer Boulig hag e gi Billig en un albom nevez, C'hoarzh c'hoazh, un digarez evit ar pempvet levr bannoù-treset er rummad-se gant an ti-embann Bannoù-heol, ur gevredigezh savet gant Arno Elegoed ha staliet e Kemper. Skoazellet eo bet an treiñ hag an embann gant Ofis ar Brezhoneg hag ar C'huzul-Rannvro ivez.

Hag ar wezh-mañ eo gant Tudual Audic eo bet troet al levr, ar pezh na vez ket aes atav, a c'hallit krediñ, dreist-holl pa vez c'hoariet gant ar gerioù e galleg. Met en em dennañ a ra eus ar c'hentañ pa zeu a-benn, da skouer, da grouiñ gerioù evel champakoaniañ evit lavaret koaniañ gant champagn pe pa sav un titl e brezhoneg gwelloc'h eget an hini e galleg (Faut rigoler !)...

Brieg ar Menn