Blog

Sul Gouel ha Bemdez

Un atersadenn gouestlet da V-Bannoù-heol ha da raktres nevez an ti-embann : "Ar Marc'h Dall". Emañ Arno Elegoed gant mikro Glenn Jegou.

Postet e Skingomz d'an 30/05/2021

Arno Elegoed, krouer an ti-embann Bannoù-heol ha kelenner war ar sonerezh, en doa graet un taol kaer 2 vloaz p’en doa embannet Kan ar Bed, ul levr-bladenn evit ar vugale gant kanaouennoù hengounel e meur a yezh. Ur raktres brav all zo gantañ ar bloaz-mañ. Enrollañ ur wech ouzhpenn “Ar Marc’h Dall” skrivet gant René Abjean ha Job an Irien. Emañ gant mikro Morgane Bramoullé evit kinnig ar raktres deomp.

Postet e Skingomz d'an 26/04/2021

"Ar Marc'h Dall" en abadenn "Breizh Storming"

Atersadenn Arno Elegoed sevenet gant Manu Méhu diwar-benn ar raktres levr-CD "Ar Marc'h Dall", oberenn René Abjean ha Job an Irien

Postet e Skingomz d'an 23/04/2021

Bannoù-treset e brezhoneg

Petra eo se, an embann bannoù-treset e brezhoneg ? Petra zo disheñvel diouzh levrioù all, pe diouzh yezhoù all ? Kalz a c’houlennoù a c’hell an nen sevel, ha daoust deomp anavezout un toullad skouerioù ha bezañ lennet meur a hini eo berr hon gouiezegezh war an dra… Arno Elegoed en devoa krouet an ti-embann Bannoù-heol e 1999. Tammoù sklaeradennoù gantañ ’ta.

Postet e Pennadoù d'an 01/01/2021

Ar marc’h dall - Ur ganadenn vreizhat adc’hanet

Daou-ugent vloaz war-lerc’h krouidigezh « Ar marc’h dall » e 1979, ur ganadenn bet savet gant René Abjean ha Job An Irien, ha degemeret mat d’ar poent-se, an embanner Arnaud Élégoët en doa divizet da lakaat an oberenn-mañ da vevañ en-dro. Un enrollañ nevez a zo bet kaset da benn gant harp ur bern arzourien hag ar strollad teknikourien-son. Ul levr da-heul ur bladenn a vo kinniget ha deuet er-maez dizale. Arnaud a zispleg deomp an doare da seveniñ ar raktres brav-se gant ampartiz Dimitri Boekhoorn evit seniñ perzhioù gouestlet d’an delenn.

Postet e Pennadoù d'an 01/01/2021

40 vloaz goude, un enrolladenn nevez evit ar ganaouenn-veur "Ar Marc’h Dall"

A-hed ar bloavezhioù 1980 e oa bet kanet ha sonet "Ar Marc’h Dall" e salioù hag ilizoù Breizh. Emañ an embanner Arnaud Elégoët hag e skipailh oc’h enrollañ en-dro an destenn greñv-se, skrivet e 1979 gant Job an Irien, ha sonaozet gant René Abjean.

Postet e Skinwel d'an 09/12/2020

C'hoari a ra Chapi Chapo gant 73 c'hoariell evit enrollañ e albom "Collector"

Ur gelaouadenn gouestlet d'ar muizisian Patrice Elegoët, alias Chapi Chapo, a zo o paouez embann un albom anvet "Collector".

Postet e Skinwel d'an 04/12/2020

Ar ganadenn "Ar Marc'h Dall" adenrollet 40 vloaz diwezhatoc'h

Ur gelaouadenn savet gant Mathieu Herry war France 3 gouestlet da raktres al levr-CD "Ar Marc'h Dall".

Postet e Pennadoù d'an 23/11/2020

Keleier ar Vro

Petra eo labour embann bannoù treset e brezhoneg ? Petra zo disheñvel deus levrioù all, pe deus yezhoù all ? Penaos 'mañ an traoù evit a sell an arc'hantiñ, ar gwirioù ? Ur bern goulennoù a c'hell an nen sevel, ha daoust deomp anavezout un toullad skouerioù ha bezañ lennet meur a hini, eo berr hom gouiezegezh war an dra. Arno Elegoed 'nevoa krouet an ti-embann Bannoù-heol e 1999. Un tamm sklaeradennoù gantañ, deus mikro Tugdual Karluer

Postet e Skingomz d'an 29/10/2020

Le Journal

Ur gelaouadenn savet gant Irvin Blonz war Tébéo gouestlet da raktres al levr-CD "Ar Marc'h Dall".

Postet e Skinwel d'an 27/10/2020

Pennad-kaoz gant...

Ar bloaz tremenet e oa bet lidet 20vet deiz-ha-bloaz ti-embann kevredigezhel Bannoù-heol, krouet gant Arno Elegoed. A-drugarez dezhañ e komz brezhoneg Boulig & Billig, Thorgal, Arzhig Du ha Titeuf.

Postet e Pennadoù d'an 01/09/2020

Ar c'hantat "Ar Marc'h Dall" a zo o vezañ savet a-nevez !

Goude al levrig-pladenn « Kan ar Bed » hag en doe graet berzh daou vloaz 'zo, emañ an embannadurioù « Bannoù-heol » gant un eil raktres bras. Lazoù-kanañ breton ha korsat, laz-seniñ Bulgaria, binviji hengounel ha nevez,... ur c'henlabour etrevroadel a vo ar wezh-mañ c'hoazh, evit lakaat da glevet en-dro un oberenn deus fin ar bloavezhioù 1970. Skrivet e voe bet « Ar Marh Dall » gant Job an Irien da neuze, da zihuniñ ar Vreton-ezed a-raok ma vefent kollet en ur sevenadur bedelaet. Arno Elegoed, rener an embannadurioù « Bannoù-heol », a gav dezhañ eo ur stourm a-vremañ kement hag e oa er bloavezhioù 1970. Daleet eo bet enrolladennoù ar bladenn evel-just, dre ma n'eo ket bet posupl mont da vBulgaria e pad mizvezhioù. Emichañs e loc'ho an enrollañ en-dro a-benn miz Eost.

Postet e Skingomz d'an 22/07/2020

Keleier, ar bed hiziv an deiz

E 1979 o doa ar sonaozer René Abjean hag ar skrivagner Job an Irien savet ur c'hantate anvet "Ar Marc'h Dall". Un 30 kwech bennak e oa bet kinniget an oberenn e Breizh ha berzh 'n oa graet ken modern e oa ar sonerezh d'ar c'houlz-se ha don ar pozioù. O vezañ adenrollet emañ ar c'hantate. Ganet ar raktres gant Arno Elegoed, bet lusket gantañ Kan ar Bed, al levr CD bet embannet 2 vloaz 'zo. Da c'hortoz klevet ha lenn Ar Marc'h Dall e c'helloc'h bepred dizoloiñ Kan ar Bed ma n'eo ket graet c'hoazh... Kaerat levr CD.

Postet e Skingomz d'an 07/07/2020

Livre et CD pour enfants : “Kan ar Bed, un voyage musical autour du monde” aux éditions Bannoù-heol

De la Bretagne à la Chine, ce livre fera voyager les enfants et les plus grands autour du monde. La maison d'édition Bannoù-heol nous propose un ouvrage de chansons bilingues breton-français à partir de deux ans. Il devrait faire, encore cette année, bon effet sous le sapin de Noël.

Postet e Lec'hienn Genrouedad d'an 20/12/2019

Pajenn da-heul →