La maison d'édition quimpéroise Bannoù-heol vient de faire paraître douze petits livres de Petit Ours Brun traduits en breton ainsi qu'un troisième album de Thorgal. Une nouvelle aventure de Titeuf doit suivre.
Hag a nevez gant an embannadurioù Bannoù-heol, krouet e 1999 ? An ti-embann staliet e Kemper a ginnig dreist-holl levrioù evit ar vugale ha bannoù-treset. Emañ un dastumad levrigoù Arzhig Du o paouez dont er-maez. Al loen bihan, krouet tregont vloaz 'zo gant Danièle Bour, a gomz bremañ brezhoneg e-barzh 12 albom nevez embannet. En o zouez, Arzhig Du a blij dezhañ an diskar-amzer, Arzhig Du a ra sotonioù bras pe c'hoazh Arzhig Du a zo amourous. Troet int bet gant Arno ha Loeiz Elegoed. Daou euro e vez gwerzhet an tamm.
Evit ar re a zo un tammig koshoc'h ez eo un albom eus Thorgal, an haroz krouet gant Rosinski ha Van Hamme e 1977, a zo bet troet gant Tudual Audic. Alinoe eo e ditl hag ez eo an trede eus avañturioù ar Viking deuet eus ar stered da vezañ lakaet e brezhoneg.
Evit ar fent e vo embannet gant Bannoù-heol ivez ul levr ouzhpenn (an trede) eus avañturioù Titeuf, ar c'hanfard e vlev melen, a-benn nebeut.
M.H