Kresket he deus Maelenn Bernard etre Liger-Atlantel, Mor-Bihan ha Penn-ar-Bed ha skoliataet eo bet e brezhoneg.
Er skolaj he deus kejet ouzh Amerika latina hag ar c'hoariva war ar memes tro a-drugarez d'ar gevredigezh Strollad La Obra. Da heul e kemer perzh ganti e meur a raktres c'hoariva amatour liesyezhek. Beajiñ a ra e Amerika ar Su e-pad un nebeud bloavezhioù. Du-hont e ra stajoù dañs ha c'hoariva, fardañ bravigoù hag arzoù war ar straedoù.
Hag hi distroet e krog e-barzh ar skritur adarre. Embannet eo he levr "A la folie, mon amour" gant an ti-embann RAZ ; an destenn awenet gant he buhez a vesk skrid ha barzhoniezh, galleg ha kastilhaneg.
Heuliañ a ra ur stummadur terapiezh dre an Arzoù e Atalier Menez-C'homm hag unan LLCER Kastilhaneg e skol-veur Roazhon 2 war ar memes tro.
E 2023 eo krog da vuheziñ atalieroù skritur evit ar vugale, ar grennarded hag an dud c'hour, ha da skrivañasambles gant ur skrivagnerez eus Chiapas ul levr evit ar vugale e brezhoneg ha tsotsil.
