Le documentaire consacré à Ar Marc'h Dall sera diffusé le 09/03 à 15h00 à la médiathèque de Landerneau et le 15/03 à Lesneven à 18H00.
Bannoù-heol
Maison d'édition en breton depuis 1999
Livres pour enfantsBDLivres CDRomansMusiqueDVDJeuxDictionnairesLivres en françaisActualités
Posté le 11/12/2023 - Presse écrite

Ar bed e miltamm

Evit ar wech kentañ ez eus bet embannet daou viltamm ar bed e brezhoneg.
Ar bed e miltamm
Personnes en lien avec l'article : Mikael Bodlore-Penlaez

Savet int bet gant Mikael Bodlore-Penlaez, douaroniour anezhañ. Gant an ti-embann Bannoù-heol hag Ofis publik ar brezhoneg (OPAB) en deus kenlabouret. Diskouezet int bet e pol Karaez an OPAB e Kastell Kerampuilh, d'ar 1añ a viz Kerzu 2023.

Oc'h ober miltammoù e oa embanner Bannoù-heol Arno Elegoed gant e verc'h p'en doa merzet ne oa hini ebet e brezhoneg. E-giz-se eo kroget ar soñj d'o sevel. C'hoarioù, geriadurioù, levrioù, bannoù-treset a vez embannet dija gant an ti-embann abaoe 1999. E 2020 e oa bet embannet miltamm Breizh hag e 2022, hini ar broioù keltiek gant sikour an OPAB.
Kendalc'het o deus da labourat asambles ha savet ez eus bet daou all : miltammoù ar bed, an eil 280 tamm o vont d'e ober evit bugale 6 vloaz hag egili gant 1000 pezh adalek 8 vloaz. "Sur a-walc'h eo ar wech kentañ embann miltamm ar bed e brezhoneg, eme Arno Elegoed.

Al liesseurted lakaet war wel

Savet e vez ar c'hartennoù gant Mikael Bodlore-Penlaez, douaroniour anezhañ, ha lakaet e vez anvioù ar broioù, ar c'hêrioù-penn, ar morioù bras hag ar stêrioù warno gant an OPAB. "Skrivañ an anvioù standart eo ar pal", eme Herve Gwegen, karget eus ar glad yezhel en OPAB. Aesoc'h eo hervezo en em gompren etre tud hag a gomz brezhoneg. Er skol e c'hell bezañ implijet ar miltammoù-se da skouer ha gant tud hag a zo o teskiñ ar yezh.

Dibabet ez eus bet lakaat al liesseurted war wel. War miltammoù ar re vihan ez eus loened gant livioù flamm ha war hini ar 1000 pezh eo bet treset ar pobloù : "Tud a bep seurt zo er bed, tud du, tud wenn, e lec'h m'emaomp o vevañ hag evidon-me eo a bouez diskouez liesseurted ar bed", emezañ.

En traoñ e vez gwelet bannieloù ar broioù hag ouzhpenn re ar Stadoù a vez kavet, evel hini Katalonia, Kembre peotramant Kebek. Bannet e vez hor sell war ar bed dre ar c'hartennoù. Ur savboent nevez a zo kinniget gant Bannoù-heol.

Manon Deniau

Ya!

Produits en lien avec ce post

Puzzle Carte du Monde (1000 pièces)
Puzzles
16,00 €
En stock

Suivez-nous sur les réseaux sociaux

AccueilKan ar BedBlogMentions légalesConditions générales de venteContact
© 2024 Bannoù-heol
Propulsé par Gatsby (open-source) & Sanity.io