Skeudennaoueg Arzhig Du
![Skeudennaoueg Arzhig Du](https://cdn.sanity.io/images/hk48qn3z/production/7df1c6fc6567fcc07de647de1e4dae133419b979-1701x1701.jpg?w=1701&h=1701&auto=format)
N'eus ket ezhomm ken da lavaret piv eo Arzhig Du, mil vrudet eo, e brezhoneg zoken p'eo bet advouezhiet ha skignet e lec'hienn Brezhoweb hag emañ da feurmiñ pe da brenañ e BreizhVOD. Aze ez eus ul levr skeudennoù zo bet embannet gant Bannoù-heol. Rannet eo bet al levr etre c'hwec'h taolenn, evit pep taolenn ez eus bet lakaet un nebeud elfennoù anezhe war wel. E taolenn "Ar straed", e weler ur marc'h-houarn. Treset eo bet hemañ en-dro en ur bajenn all da heul ha skrivet marc'h-houarn e-kichen. Evel-se ez eus tu d'ar vugale vihanañ deskiñ an anvioù ha c'hoari adkavout an traoù en daolenn ; ar re zo o teskiñ lenn a c'hall kemer harp ouzh an tresadennoù. Graet eo al levr evit padout un tamm etre daouarn bugale yaouank. N'eus netra dreistordinal gant al levr-se evel-just. A bouez eo avat e vefe en hor yezh an harozed a vez kavet e yezhoù "bras" all.
140 pajenn, brezhoneg gant Arno Elegoed