Gwez ar vro

Levr natur ledañ-deskadurezh diwar-benn ar gwez, e liv. 36 spesad gwez a gaver e Breizh. Pep a bajenn displegadur diwar-benn pep spesad gwez gant ur bajennad skeudennadurioù liv dirak-ha-dirak. Taolenn anavezout ar gwez diouzh o delioù, roll lavaroù, lec'hanvadurezh, anvioù-familh...
Skeudennadurioù kaer e liv diwar zorn Anna Duval-Guennoc, skeudennourez skiantel. Stumm ar gwez (hañv/goañv), delioù, bleunioù, frouezh, broñsoù... Ul levr studi pe ul levr dudi, pe an daou, war ho taol labour pe en ho chakod evit mont da vale war hor maezioù !

Kadoriad Embannadurioù al Lanv eo Padrig an Habask. Troet en doa gant Tudual Huon levrioù kembraek diwar-benn al laboused un nebeud bloavezhioù 'zo. Ur rummad eizh levr a zalc'h d'ober berzh : Laboused an arvor...
Pal Anna Duval-Guennoc gant he skeudennadurioù pe he buhezadurioù pe c'hoazh dirak ar c'hamera en he rubrik botanikel e brezhoneg war Frañs 3 eo da gentañ treuzkas ar gouiziegezhioù nevez war dachennoù liesseurt.