Degemer mat d'an holl !
Bannoù-heol
Ti-embann brezhonek abaoe 1999
Levrioù evit ar vugaleBannoù-tresetLevrioù CDRomantoùSonerezhDVDC'hoarioùGeriadurioùLevrioù e gallegKeleier
Postet d'an 20/12/2002 - Kazetennoù

Lagadennoù yaouank !

"Boulig ha Billig" hag "Ernest Anton" : div vandenn dreset nevez e brezhoneg bet embannet gant daou stal disheñvel penn da benn. Bihan eo ar marc'had en hor yezh. Ha ret eo da bep hini ober gantañ.
Lagadennoù yaouank !
Perzh o deus kemeret : Jil Penneg, Maurice Hamon, Arno Elegoed

"Marteze e vije bet ret din met aon n'am eus ket bet !" Aon n'en deus ket bet, met kouraj en deus bet Arno Elegoed. E-unan en deus krouet "Bannoù-heol" e 1999, c'hoant gantañ embann bannoù-treset e brezhoneg.

"Dedennet-tre e oan gant ar bannoù-treset, met ne oa ket a-walc'h e brezhoneg. Pellgomzet em eus neuze da di Dargaud. Embannet e vez "Boulig ha Billig" ganto. Ha diouzhtu on aet e darempred gant ar plac'h a rae war-dro ar gwirioù. Me 'soñje din ne vijent ket bet dedennet gant troidigezhioù e brezhoneg, ken nebeut a levrioù a vez gwerzhet e brezhoneg e-keñver ar galleg. Met mat-tre eo bet a-benn ar fin".

Mat-tre... ha chichant eo tud Dargaud ouzhpenn. O seizh gwellañ a vez graet evit ma vo marc'had-mat an troidigezhioù en hor yezh. "Lavaret e vez din din bewech peseurt levr a vo advoullet er bloavezh o tont , rak pa vez moullet levrioù e galleg ganto e vez graet ur bern. A-benn neuze ne goust ket ker moullañ 2000 skouerenn ouzhpenn e brezhoneg. Izeloc'h e vez ar prizioù".

Riskloù bras n'eus ket gant Boulig ha Billig

Ur gevredigezh "lezenn 1901" eo Bannoù-heol. Suroc'h ha furoc'h eo bet eget krouiñ un ti-embann prevez. "Sikouret omp gant ar c'huzul-rannvro. Gantañ e vez paeet 40 % eus ar fraejoù war pep levr. Riskl bras ne oa ket evit Bannoù-heol, forzh penaos. Ar bannoù-treset a vez gwerzhet ganeomp e brezhoneg, evel Boulig ha Billig, a vez brudet ha gwerzhet mat-tre e Bro-C'hall dija. E brezhoneg e vezont prenet gant tud a bep seurt. Bugale, evel-just, ha tud koshoc'h, tud o teskiñ ar yezh, pe tud o deus c'hoant gwellaat o brezhoneg".

Titeuf e brezhoneg ?

Emañ bremañ Bannoù-heol o soñjal mont pelloc'h ha treiñ "Titeuf" e brezhoneg, troioù-kaer ur c'hrennard brudet-kenañ er porzhioù skol. Ul labour start a-walc'h e-keñver ar yezh (rak "buhez" a zo e lañgaj Titeuf"...) met sikouret e vo Arno Elegoed gant bugale skolaj Diwan ar Releg, ha bolontez vat ganto, kredapl !

Lionel Buannic

Le Télégramme

Produioù liammet gant ar post-mañ

Boulig ha Billig
8,62 €
Er stok

Heuilhit ac'hanomp er rouedadoù sokial

DegemerKan ar BedBlogMenegoù lezennelDivizoù gwerzhañ hollekDarempredoù
© 2024 Bannoù-heol
Poulzet gant Gatsby (open-source) & Sanity.io